CAGAYAN DE ORO CITY – Tukion sa committee of the whole ang ubay-ubay’ng punto nga naglimin sa kontrobersyal nga 30- years contract tali sa Cagayan de Oro Water District o COWD ingon man sa Metro Pacific Water Consortium nga gipadumala sa Cagayan de Oro Bulk Water o COBI sa konseho karong buntag.
Kini sa tuyo nga masayran sa katawhan kon duna ba’y dakong disbintaha sa interes ang COWD-MetroPac contract.
Miingon si Kag. Edgar Cabanlas,chairman sa komitiba nga imbitado ang tanang panig nga dunay direktang partisipasyon ug interes sa sitwasyon sa panubig sa dakbayan.
Sa maong tigom usab masuta kon unsay makab-ot nga sulbad sa suliran o mismo ang city govt ang mo-take over sa operasyon sa COWD.
Samtang giakusahan sa pipila ka kanhi konsehales nga dunay dakong partisipasyon si former City Mayor Oscar Moreno kon nganong napun-an sa dugang obligasyong-pinansyal sa panubig ang COWD pagsulod sa kompanyang Metro Pacific Water Consortium sa syudad.
Kini human gitumbok ni kanhi 1st District City Councilor Reuben Daba nga mismo si Moreno kuyog ang pipila ka konsehal ang nakigpirmahay sa napormang joint venture agreement tali sa COWD ug MetroPac aron maporma ang COBI.
Apan aron dili maipit ang mismong anak ni City Mayor Rolando ‘Klarex’ Uy nga si kanhi bise-mayor ni Moreno sa maong panahon,gihamakak nila nga duna sila’y kasayuran sa nahisgutang transaksyon.
Samtang tubag usab ni Moreno nga angayang apil magpasalamat ang kampo ni Uy ug ang iyang mga alyado nga mibuhi’g dakong pamuhunan ang kompanya ni Manny V. Pangilinan pinaagi sa MetroPa sa syudad.
Kini ang tubag ni Moreno kay maoy gipamugos sa panig sa administrasyon nga angay basulon si Moreno kon nganon nalubong sa minilyong utang ang COWD pinaagi sa COBI.
Namahayag ang kanhi mayor nga igo lang daw sila gihangyo sa COWD nga saksihan ang pirmahay sa kontrata tali MetroPac ug angay masayran sa publiko nga walay kalabutan apan LWUA sa aktong pirmahay didto sa kauluhan sa miaging katuigan.
Sa panig usab sa MetroPac nga dili disbintaha apan paborabli sa interes sa katawhan pinaagi sa COWD ang gisudlan nga kontrata alang sa panubig sa dakbayan.
Kini ang pagpasabot ni Metro Pacific Waters Senior Legal Counsel Robert Rodrigo sukwahi sa gipamugos sa city council rason nga dunay imbestigasyon nga ilang gihimo.
Miingon si Rodrigo nga miagi sa subsob nga pag-rebyo sa gobierno ang maong kontrata sa wala pa hingpit pirmahi.
Gipasabot ni Rodrigo nga dili sila middleman apan migasto sila’g sobra bilyones pesos aron makabaton sa enskatong panubig ang katawhan sa dakbayan.
Sa pikas bahin,dili angay magbinasulay sila Oca ug Klarex pag-abot sa isyu sa panubig sa dakbayan.
Kini human nanganti ang COBI nga putlan’g tubig ang COWD nga mohatag sa grabeng epekto sa ekonomiya sa dakbayan.
Namahayag si kanhi City Vice Mayor Atty Antonio Soriano nga angayang mangita’g maayong sulbad kaysa moabot ang higayon nga maputol ang COBI water supply ug mohatag kini sa dakong kaulawon sa katawhan sa dakbayan.
Nagsumikad ang pag-init sa isyu sa tubig kay makaduha nang mibahad ang COBI nga dili na suplayan ang COWD kon dili mabayran ang halos tunga sa bilyones pesos nga utang suk