CAGAYAN DE ORO CITY-Gihupay ni AFP spokesperson Brig/Gen Restituto Padilla ang gibati nga kabalaka sa publiko kabahin sa report nga 300 ka armadong tawo ang nakasulod sa Lanao del Norte.
Kini ilabina nga anaa sa peligro nga kahimtang sa seguridad ang Northern Mindanao tungod sa bahad nga mohimo’g atake ang ISIS-Maute group gikan sa Marawi City.
Gibutyag ni Padilla nga bakak ang maong impormasyon dihang gipasuta nila kini sa ilang tropa nga nakabase sa 1st ID,Philippine Army.
Hisayrang una nang nagsulti ang pipila ka opisyal sa Iligan City nga maoy provincial capital sa Lanao del Norte nga may mga gi-monitor sila nga kadudahang miyembro sa Maute nga misagol sa mga bakwit nga gikan sa Marawi City.
