Gitinguha sa Department of Social Welfare and Development (DSWD) nga palapdan ang “Walang Gutom Program” aron mas daghang mga pamilya nga food-poor ang matabangan ug mahatagan og mas lig-on nga akses sa pagkaon.
Pinaagi sa Food Stamp Program, ang mga benepisyaryo makadawat og digital credits nga magamit sa pagpalit og nutrisyonal nga pagkaon gikan sa mga accredited nga tindahan ug mag-uuma.
Lakip sa plano sa 2025 ang pag-abot sa programa sa mga lugar sama sa BARMM, Leyte, Samar, ug Bicol Region, diin taas ang insidente sa kagutom.
Lakip usab sa inisyatibo ang “Walang Gutom Kitchen” nga motigom og luwas nga pagkaon gikan sa mga hotel ug restaurant aron ipakaon sa mga benepisyaryo, samtang gisuportahan ang job training ug capacity building alang sa mas sustainable nga panginabuhi.
