By:Ms Aicy Soriano
CAGAYAN DE ORO CITY-Gihagit ni Cagayan de Oro Archbishop Antonio Ledesma,S.J.,D.D. ang bana-banang 300-mil ka deboto nga
mahimong instrumento sa tinud-anay nga pakigdait sa katawhan sa Mindanao.
Kabahin kini sa unod sa mensahe ni Ledesma sa paghatag pag- ila sa dakong gugma’g kalooy sa Itom nga Nazareno sa katawhan.
Miingon si Ledesma kinsa nangulo sa santos nga misa sa wala pa giparada ang Nazareno gikan sa San Agustin Cathedral nga unta dili kalimtan sa katawhan ang pangaliya nga makab-ot ang kahusay’g kalinaw ilabina nga nag-atubang sa bahad sa terorismo ang Mindanao.
Samtang gihangyo ni PNP regional director C/Supt Timoteo Pacleb ang libuang mga deboto sa Itom nga Nazareno nga sundon lamang ang gilatag nga seguridad sa kapolisan ug militar ning syudad.
Kini human gipaniguro sa PNP ug AFP nga mahatagan sa proteksyon ang mga deboto rason dunay celphone signal jamming gipatuman ning adlawa.
Miingon si Police Regional Office 10 spokesperson Police Supt Surki Serenias nga 2-mil ka sakop sa pulis,sundalo ug ug force multipliers ang gikatag masiguro lamang nga luwas ang padayong traslacion sa Nazareno ning buntaga.
