CAGAYAN DE ORO CITY, Philippines – Dul-an 300 ka tawo na ang patay tungod sa kilat didto sa Bangladesh.
Nabalaka ang Save the Society and Thunderstorm Awareness Forum (SSTF), usa ka cause oriented group nga musaka pa ang maong ihap tungod sa pagmagahi sa mga indibidwal sa paglikay sa mga lugar nga kasagaran agi-an sa kilat.
Ning tuiga, labing daghan sa mga nangamatay pulos mga mag-uuma sa probinsya, kundiin 242 ang lalaki, ug 55 ang babaye, gikan sa Pebrero hangtud Setyembre nga data.
Subli gi-awhag sa grupo ang mga mag-uuma nga maminaw sa balita ilabe sa labing lab-as nga weather forecast aron malikay sa peligro.
