Gidawat sa Hamas ang tanyag nga ceasefire, sa gilusad nga peace dialogue sa Doha, Qatar.
Namahayag si US-Middle East envoy Steve Witkoff nga misugot ang grupo sa Hamas nga ibalik ang dugang napulo sa hostages, ug laing 18 ka lawas sa mga hostages nga namatay na.
Ilawom sa kasabutan, mi-apelar ang teroristang pundok nga buhian sa Israel ang ilang mga Palestino nga bihag, ug ipadayon ang humanitarian aid sa Gaza.
Unang gitinguha ni US President Donald Trump nga muhawa na sa Gaza ang Hamas aron mabalik sa normal ang kinabuhi sa mga molopyo sa maong dapit.
Hisayran nga sulod lamang sa tibook bulan sa Mayo, mikabat sa 300 ka tawo ang patay sa military strike sa Israeli Defense Force, ug usa ka dakung lider sa Hamas ang napatay.
Kagabie, 60 ka tawo nag patay dihang gibombardiyo sa IDF ang Northern Gaza, sumala sa report sa Gaza Health Ministry.
