CAGAYAN DE ORO CITY – Dako’g ikatabang pagkab-ot sa kahusay ug kalinaw sa 2022 elections ang inisyal 303 ka nagkadaiyang armas nga naka-kustodiya sa PNP dinhi sa rehiyon.
Kini human i-presentar ni Police Regional Office 10 Director Brig Gen Benjamin Acorda Jr ang mugbo ug tag-as nga kalidad sa mga pusil nga resulta sa ilang anti-criminality ug ‘Oplan Katok’ campaigns sulod lamang ning bulana.
Miingon si Acorda nga nadakpan usab ang halos 30 ka personalidad nga kabahin sa naghupot sa walay papeles nga mga armas.
Sulod sa election period,usa ang gun ban nga gihingusgan sa PNP aron dili magamit sa kreminalidad.
