CAGAYAN DE ORO CITY – Gisuta pa sa mga taga-Bureau of Fire Protetion o BFP-Cagayan de Oro District Office ang pagkasunog sa Cogon Alvarez Arcade sa Vicente Roa- Hayes Streets nga nasakop sa barangays 38 ug 39 ning syudad.
Kini human mitala sa 31 ka commercial stalls sa arcade nga gipanag-iya sa pamilyang Alvarez ang nadamyos sa dakong sunog.
Miingon si City Fire District caretaker Fire Inspector Bernie Jaudian nga wala pa sila’y kongkreto nga basehan sa rason sa sunog hangtod nga dili matapos ang ilang imbestigasyon.
Nasuta nga nagsumikad ang kalayo sa lawak sa caretaker sa arcade nga si ‘Boy Alas.
Hisayrang mitala sa halos 2 milyones pesos ang natala nga structural damage sa sunog nga gitabanga’g palong sa 12 ka fire trucks kagahapon sa kadlawon.
