CAGAYAN DE ORO CITY- Ipaubos sa PNP-10 sa pag-monitor ang 31 ka kanhi Tokhang surrenderees nga mi-graduwar sa programang anti-drug rehab nga gipasiugdahan diha sa Kampo Alagar,Brgy Lapasan sa syudad.
Kini sa pagsiguro nga dili na hingpit mobalik sa paggamit ug pagbaligya’g droga ang maong surrenderees nga nakabase sa syudad.
Gibutyag ni PNP regional spokesperson Supt Lemuel Gonda nga miabag usab sa mga surrenderee ang buhatan sa TESDA-10 aron mapaubos sila sa skills training nga magamit nila pagpangempleyo.
Una nang gilusad ang maong programa ni kanhi PNP regional director C/Supt Noel Constantino aron unta matubag ang 82-mil ka Tokhang surrenderees nga natala sa tibuok Amihang Mindanao.
