CAGAYAN DE ORO CITY, Philippines – Tray’ntay-uno ka tawo ang nasikop sa Pilippine National Police (PNP) sa managlahing Checkpoint sa Pilipinas, nga milapas sa una’g-duha ka adlaw sa pagpatuman sa Election Gun Ban.
Namahayag si PNP Chief Rommel Marbil nga lakip sa ilang nasampolan ang usa ka servicemen sa Armed Forces of the Philippines (AFP); usa ka empleyado sa Bangsamoro Autonomous Region in Muslim Mindanao (BARMM) ministry; tolo ka sekyu ug 26 ka sibilyan. Igo ra’s pangatol sa ulo ang gihimo sa mga nasikop, human sila miangkong walay mga hanaw sa unang adlaw sa pagpatuman sa lagda sa Election Gun ban.
Lakip sa nakompiskar sa PNP-Comelec Checkpoints ang 80 ka armas, nga mulangkob sa 60 ka small firearms; duha ka Class A light weapons; usa ka Class B light weapon; 17 ka replicas ug mga explosibo.
Dugtong niini, mukabat sa 539 ka buhing bala ang nasanta sa gilusad nga check point sugod Enero 12.
Gumikan niini, mipasidaan ang liderato sa PNP nga prisohon ug posibleng dili na makahupot sa armas ug lisensya ang mulapas sa Omnibus Election Code.
