Namatay ang dili moubos sa 31 ka tawo, lima ang naangol, ug hapit 50 ang gikatahong nawala human gibombahan sa mga puwersa sa Russia ang usa ka tunghaan nga gigamit isip sentro sa pagpang-apod-apod og tabang nga humanitarian sa baryo sa Komyshuvakha, sa rehiyon sa Zaporizhzhia, sa nasud sa Ukraine.
Sumala sa mga lokal nga opisyal, gisundan sa ikaduhang pag-atake ang unang pagbomba, diin naigo usab ang silonganan nga gisudlan sa mga sibilyan, lakip ang mga rescuer ug mga opisyal sa kapolisan nga miabot aron motabang sa mga biktima.
Gisaway ni Ukrainian President Volodymyr Zelensky ang maong pag-atake ug miingon nga nahibalo ang mga puwersa sa Russia nga regular nga nagtigom didto ang mga sibilyan aron modawat og tabang, samtang ang Russian Defence Ministry miangkon usab nga ang ilang gipunterya kay mao ang mga yunit militar sa Ukraine ug mi-angkon nga adunay mga sundalong namatay. (raniel mahunyag)
.jpg "Malacañang, gipasalig nga magpabiling walay kausaban sa presyo sa 190 ka produkto hangtud Disyembre 31")
