CAGAYAN DE ORO CITY – Mag-atubang sa kasong reckless imprudence resulting to multiple physical injuries and damage to property ang Pabama bus driver nga nahaybol sa coastal road Brgy Lapasan ning syudad.
Kini kon ugaling walay mahitabong amicable settlement tali sa 31 ka pasahero nga naangol sa maong aksidente.
Sumala ni Agora Police Station Deputy Station Commander Lt. Teddy Macarayo nga nawad-an sa kontrol ang driver nga si Raymark Jay Guisijan, 26-anyos, taga Kadingilan,Bukidnon.
Apan kasamtangang nagpuyo sa Brgy Lapasan ning syudad sa kakusog sa iyang pagpadagan rason nibangga sa road gutter ug milahos sa tangkungan sa maong dapit.
Naka-kustodiya sa si Guisijan sa kapolisan gumikan sa hitabo.
