CAGAYAN DE ORO CITY-Misaka na sa 225 ka teroristang Maute kuyog ang Abu Sayyaf Group ang namatay sa kapin upat ka semana nga paggukod sa militar kanila sa Marawi City,Lanao del Sur.
Kini human nahimo nang dug-ol ang engkuwentro sa government forces nga anaa sa tugkaran batok sa mga terorista nga nakatago sa pipila ka high rise buildings sa maong lugar.
Gibutyag ni 1st ID,Philippine Army spokesperson Lt/Col Jo-ar Herrera nga anaa sa 150 hangtod 200 ka terorista na lamang ang napalibutan nila sa war zone.
Gikompirmar usab ni Herrera nga miuban na ang mga miembro sa Bangsamoro Islamic Freedom Fighters ug private armed groups aron sulayon ipakusog ang grupong Maute ug ASG.
Nakompiskar usab sa gobyerno gikan sa mga napatay’ng terorista ang 172 firearms.
Hinoon,gikasubo usab giangkon ni Herrear nga anaa na sa 59 government forces na ang namatay samtang kapin 200 ka sundalo ang samaron diin ang uban kanila anaa naka-confine sa Camp Evangelista Station Hospital sa 4th ID,Philippine Army sa Cagayan de Oro City.
Nanatili naman na nasa 26 na mga sibilyan ang brutal na nasawi dahil sa ginawa na panggugulo ng mga terorista.
Naluwas usab ang 1,629 ang mga sibilyan sa pila ka adlaw nang pagkalukong sa war zone simula dihang miulbo ang kagubot sa Marawi City.
Gibana-banang anaa pa sa 300 hangtod 500 ka sibilyan nga nalukong ang tinguha luwason sa mga otoridad gikan sa encounter site.
