CAGAYAN DE ORO CITY-Napasakaan na’g kasong pagbaligya ug paggamit sa gidiling droga ang 316 ka suspected pushers ug users sa piskalya dinhi sa syudad.
Epekto kini sa PNP’s double barrel reloaded operations batok sa mga dururista sa syudad sulod sa 60 ka adlaw.
Namahayag si City Police Office spokesperson C/Insp Mardy Hortillosa II nga nabawi gikan sa 334 ka mga suspek ang balor P7 milyon nga shabu ug marijuana.
Sa mao usab nga operasyon,napatay sa kapolisan ang usa ka high value target tungod sa giingong pagsukol sulod sa hotel sa syudad.
