Gisaway pag-ayo ni Atty. Pat Trimor sa Trimor Law Office ang 32 ka adlaw ug 13 ka semana nga dagan sa impeachment trial batok kang Bise Presidente Sara Duterte taliwala sa giingong pagpabilin nga kulang sa lig-ong ebidensya ang prosekusyon.
Subay sa asessment sa abogado, makaluluoy ug kulang sa pagpangandam ang prosekusyon tungod kay pulos lamang pasangil ug istorya ang gidala niini sa impeachment court ug wala makapamatuod sa akusasyon batok sa bise presidente.
Gisaway usab sa legal practitioner ang pagpresentar og mga testigo nga walay konkretong sukaranan nga kinahanglang tubagon sa depensa.
Gumikan niini, gipahayag sa abogado ang dakong subo sa mga naglantaw nga legal practitioner tungod sa kawang nga pag-usik sa milyon-milyong pondo sa publiko sa mga pagdungog nga walay bisan unsang substansya.
