CAGAYAN DE ORO CITY – bDili angay ikasuko sa kapin 32 milyon ka supporters ni Bise Presidente Sara Duterte ang pagtaral kaniya sa impeachment.
Reaksiyon kini ni kanhi Integrated Bar of the Philippines – Misamis Oriental Chapter Pres. Atty Eddie Cuaresma human mihulga si VP Sara sa usa sa iyang mga interview nga dili na mag-komento kalabot sa iyang impeachment kay basin magkagubot ang tibook Pilipinas.
Gi-awhag ni Cuaresma ang mga senador nga lihukon ang mando sa balaod kay subay sa 1987 constitution, kinahanglan mu-abante gilayon ang hearing sa impeachment oras nga ma-endorso sa Kamarabaha ang ilang dokumento.
Gihagit usab sa beteranong abogado ang mga senador nga likayan ang magka “payaso” o clown nga nagsunod-sunod lang sa dikta sa ilang mga amo.
Una niini, gisaway ni Cuaresma ang pipila ka senador sa 19th congress kay labing daghan kanila midaug lang dala sa sayaw-sayaw ug karisma sa pagka-entertainer sa showbiz.
