CAGAYAN DE ORO CITY – Gisampulan sa City Local Environment and Natural Resources Office o CLENRO ang pipila ka political ug commercial tarpuline pinaagi sa paglangkat niini samtang nakadikit sa mga punuan sa kahoy sa uptown nga bahin sa dakbayan.
Miingon si CLENRO manager Engr.Armen Cuenca nga dako kining kasupakan sa ordinansa sa dakbayan rason nga gipangbaklas nila ang maong materyales.
Siya miingon nga sa 72 ka tarps nga ilang nangakuha,32 niini pulos political materials nga naglakip sa pipila ka alyado o kandidato ubos sa kasamtangang administrasyon sa dakbayan.
Giklaro ni Cuenca nga walay pili ang pagpangbaklas nila kay nagsunod lang sila sa balaod.
Hisayrang bag-uhay pa nahuman ang pagduso sa sertipiko de kandidatura sa aspiring candidates sa Commission on Elections o Comelec alang sa 2025 elections sa nasud.
