CAGAYAN DE ORO CITY – Misaka pa sa 323 ka personalidad ang napahamtangan sa citations tungod sa nagkadaiyang traffic law violations palibot sa dakbayan.
Kini epekto sa gipalig-on nga kampanya sa Roads and Traffic Administration o RTA batok sa mga motorista nga walay pagtahod sa balaod-trapiko bisan sa mga pagpasidaan niini.
Gibutyag ni RTA overseer Atty Jose Edgardo Uy nga ang pagkasapon sa 323 ka nanag-iya’g sakyanan ang resulta sa paglibot suroy sa special action teams aron hapsayon ang mga kadalanan sa dakbayan.
Siya miingon nga angay magmatngon sa kanunay ang mga tag-iya’g sakyanan aron kalikayan nga sila mamultahan ug posibleng magkakaso kon mapakyas pagsulbad sa ilang mga obligasyon.
Hisayrang kabahin ang suliran sa trapiko nga giatubang sa syudad nga gipaningkamutan nga mahatagan sa kasulbaran.
