CAGAYAN DE ORO CITY – Apektado ug nawad-an sa trabaho ang 33-mil 827 ka pribadong trabahante sukad naigo sa coronavirus disease o COVID-9 pandemic ang syudad.
Kini human gipatuman ni City Mayor Oscar Moreno ang temporaryong pagpasira sa tanang malls ug non-essential stores aron pugngan ang paspas nga pagkatag sa bayrus.
Miingon si Moreno nga dili kini kagustuhan sa dakbayan apan tuyo lamang niini nga panalipdan ang katawhan batok sa pandemya.
Dugang sa mayor nga anaa sa 15-mil ka apektadong empleyado ang hatagan sa cash assistance gikan sa DOLE ug abagan usab sa Covid-19 Adjustment Measures Program mil-540 ka private companies nga apektado sa krisis.
