CAGAYAN DE ORO CITY – Nangayo sa dugang tabang ang 91 ka pamilya o 333 ka residente nga nasunugan sa tulo ka sona sa Brgy San Antonio, Jasaan,Misamis Oriental.
Kini human dili igo ang mga pasiuna nga nahatag nga tabang sa elected officials nga nadawat sa mga biktima sa maong lungsod.
Miingon si San Antonio Brgy Kap Charlie Eugenio nga partikular nga gikinahanglan sa iyang mga residente ang construction materials aron magamit pagtukod balik sa ilang nasunog nga mga pinuy-anan.
Una nang gikasubo ni Eugenio ang gidangatang kamatayon nila ni Simplicio Pasaje,63-anyos,Julianne Mae Torres nga pulos nasunog ug pag-atake sa highblood ni Leticia Paglinawan tungod sa dakong sunog sa mang lugar sa miaging adlaw.
Una nang gibutyag sa mga otoridad nga anggulo sa depektoso nga linya sa koryente ang rason sa sunog diin mitala’g 500-mil pesos nga structural damage sa miaging adlaw’ng Lunes.
