Misaka pa sa 34 ang death toll ug kapin 70 pa ang missing sa lapad nga pagdahili sa yuta sa Indonesia.
Namahayag si Ade Dian, hepe sa Bandung Search and Rescue Agency – Indonesia nga padayon pang giila ang mga lawas nga narekober human makalot sa rescue groups ang ilang lawas gikan sa lapok.
Ang landslide nga nahitabo sa Pasirlangu village, West Bandung, West Java tungod sa kusog nga ulan.
Gibana-bana sa mga otoridad nga anaa sa 30 ka balay nahunlak tungod sa paghumok sa yuta.
Daghang residente ang pugsanong mibakwit human sa makapangurog nga trahedya.
Kagahapon, migamit na sa heavy equipment ang ahensya aron kalkalon ang mga nalubong sa kinailadman.
