CAGAYAN DE ORO CITY – Dako na’g matabangan ang 343-mil 450 CC nga dugo gikan sa 762 ka tawo nga blood successful donors nga mitubag sa Dugong Bombo blood letting project nga gihimo sa Atrium, Limketkai Mall sa syudad.
Kini bisan nga paspas ang panginahanglan sa abono sa dugo diin 80 ka bags kada-adlaw ang ma-release sa Philippine Red Cross o PRC -Misamis Oriental-CdeO chapter.
Gihimo ni PRC-MisOr-CdeO chapter blood manager Dra Christina Marie Gumahad-Pelaez nunot sa malampuson nga Dugong Bombo nga gitambungan sa kapin libo ka tawo aron modonar sa dugo sa Atrium ning syudad sa miaging Nob 17 ning tuiga.
Miingon si Pelaez nga ang daghang dugo nga natigom sa kalihukan ang magamit bisan unsang adlawa sa donors alang sa hatagan nila niini.
Subli gipasalamatan usab sa Bombo Radyo kuyog ang PRC ang tanan aron molampos ang tinuig nga Dugong Bombo dinhi sa rehiyon.
Samtang dili lamang tawo nga nagkinahanglan sa dugo ang nabuluhan sa blood donation partnership project sa Bombo Radyo ug Philippine Red Cross apan mismo ang gobierno sa nasud.
Kini tungod kay bisan pulos pribado ang Bombo Radyo ug PRC apan gihimo niini ang kaugalingong kaakuhan aron matubag ang panginahanglan sa katawhan nga gobierno una ang angay mohimo.
Gibutyag ni PRC Gov Atty Antonio Soriano nga dako nga utang sa gobierno ang inisyatiba sa nga gihimo sa Bombo Radyo aron lamang makatabang sa katawhan nga nagkinahanglan sa dinalian nga tabang.
Dugtong niini,gisaluduhan sa Bombo Radyo ug PRC ang katawhan nga milambigit sa Dugong Bombo sa syudad niadtong Nob 17 ning tuiga.
