CAGAYAN DE ORO CITY –Misaka pa sa 35 ka kompanya ang hingpit nagsira epekto sa krisis nga dala sa coronavirus disease nga miigo sa rehiyon.
Kini tungod sa grabeng paghuyang sa business operations diin nag-resulta usab sa dakong ihap sa mga trabahante ang nawad-an sa trabaho.
Miingon si NEDA regional director Myla Cariño nga anaa sa sobra 10-mil gikan sa kapin 37-mil ka patigayon ang nakapangayo’g tabang sa DOLE aron i-abag sa mga apektadong mga empleyado.
Gibutyag ni Cariño nga dili usab mahimo nga ibalik sa normal ang business operations bisan sa binilyong alkanse niini tungod kay prioridad pa gyud gihapon ang proteksyon sa panglawas.
