CAGAYAN DE ORO CITY – Nasunog ang 28 ka balay sa 35 ka pamilya dihang miulbo ang dakong kalayo sa pinuy-anan sa residente nga si Raymond Rotoras sa Burgos Street,Brgy 17 ning syudad kagabii.
Gibutyag ni Bureau of Fire Protection Fire Inspector Sam Laurence Velarde, chief of operation sa city fire district nga imbestigaran nila ang impormasyon nga may bata nga nagdula’g kalayo hinungdan sa sunog.
Paspas ang kalayo gumikan sa mga balay nga hinimo lamang sa mga kahoy.
Hinoon,walay tawo nga namatay o naangol sa sunog diin may inisyal nga structural damage nga balor 1.2 milyon pesos.
Samtang tunulan sa city hall ug brgy sa tabang ang mga apektado nga mga pamilya sa sunog sa Burgos St. Barangay 17 ning syudad kagabii.
Gibutyag ni Jigger Ebabacol, igsoon ni Kapitan Bingo Ebabacol nga atua’g Amerika nga bukas ang ilang kapilya ug barangay hall aron maoy temporaryong kapuy-an sa mga biktima.
Nanawagan si Ebabacol ngadto sa katawhan nga adunay malomong kasing-kasing nga matabang ang apektado nila nga mga residente.
