CAGAYAN DE ORO CITY – Gikatag usab ang 350 ka pulis aron mohatag sa hugot nga seguridad sa Marawi City alang sa May 9, 2022 elections.
Kini human nga kabahin ang Marawi City nga kontrolado sa Comelec sa adlaw sa piliay.
Gibutyag ni Marawi City Police Station commander Lt. Col. Reynato Mauricio nga sa matag polling centers, tag-upat ka pulis ug sundalo ang magbantay samtang may mohimo usab sa pag-roving sa pagsiguro
sa kalinaw sa piliay.
Matud ni Mauricio nga gawas sa adunay political intense rivalry sa syudad, ang presensya sa local terrorist group nga dakong bahad sa seguridad sa tibuok Lanao del Sur.
Anaa sa upat ka challengers ang ikaatbang ni incumbent Marawi City Mayor Majul Gandamra alang sa iyang re-election sa May 9 elections.
Hisayrang ang Marawi City ang kanhi nakahiagom sa ‘urban warfare’ sa dihang gisulaya’g ilog sa Maute-ISIS terror group apan napakyas kay sila napulbos sa security forces sulod sa lima ka bulan nga engkuwentro sa tuig 2017.
