MIHAPAK ang Tropical Cyclone Gezani sa silangang baybayon sa Madagascar, labi na sa dakbayan sa Toamasina, dala ang kusog nga hangin ug ulan nga nakaresulta sa grabe nga kadaut.
Patay ang 36 katawo, gatusan ang angol ug liboan ang napugos sa pagpangita og luwas nga puy-anan samtang halos 18,000 ka mga gambalay ang nanga-guba.
Sa pikas bahin, gipahibalo sa gobyerno ang estado sa nasodnon nga kalamidad, ug nagpadayon ang emergency relief efforts aron tabangan ang mga naapektuhan, lakip na ang paglimpyo sa kalsada ug pag-apod-apod sa ayuda.
Nagpasidaan usab ang mga opisyal nga ang padayon nga pagbaha ug kadaut sa infrastruktura nagpugong sa recovery, ug daghan pa ang nagkinahanglan og pagkaon, puy-anan, ug basic nga suplay alang sa katawhan. (Phillip Ariata)
