CAGAYAN DE ORO CITY-Giduaw ni Pres Rodrigo Duterte ang laing 36 ka sundalo nga samaron sa pakig-engkuwentro batok sa mga teroristang Maute ug Abu Sayyaf Group o ASG nga nadala sa Camp Evangelista Station Hospital sulod sa 4th ID,Philippine Army sa syudad kagabii.
Gibutyag ni 4th ID,Philippine Army spokesperson Capt Joe Patrick Martinez nga gihatagan ni Pres Duterte sa medalya sa ilang pagka-bayani ang mga sundalo ug salaping cash atol sa maong kalihukan.
Gibutyag ni Martinez nga pipila usab sa mga sundalo ang gidala sa ospital sa kauluhan samtang ang uban ang nakagawas na ilabina kadtong unang nadala gikan sa engkuwentro sa Marawi City.
Wala na usab mohatag si Duterte sa mga pahayag atubangan sa media kagabii.
Hisayrang sa miaging semana,giduaw gihapon ni Duterte ang 63 ka sundalo nga samaron sa mao gihapon nga kampo.
