CAGAYAN DE ORO CITY – Gilauman sa Dept of Health 10 nga mapun-an pa ang ihap sa mga tawo nga biktima sa pabuto gikan sa pipila ka bahin sa Northern Mindanao ning tuiga.
Kini alayon sa nasaulog nga pasko ug pagsugat sa bag-ong tuig ning semanaha.Gihimo sa registered nurse nga si Jasper Kent Ola sa Dept of Health 10 -RESDRU ang pahayag nunot sa 34 ka kaso sa firecracker related cases sukad gisugdan ang pag-monitor sa maong kasaulugan.
Miingon si Ola nga sagad sa mga nabuthan mga menor de edad diin sila biktima sa mga illegal nga pabuto.
Hinoon,walay natala nga namatay kay nabuthan sa pabuto o naigo sa saag nga bala nga gikan dinhi sa rehiyon ning tuiga.
Samtang misaka’g gamay ang ihap sa mga residente nga nabuthan sa illegal nga pabuto dinhi sa syudad.
Kompirmasyon kini ni City Health Office head Dr Rachel Dilia diin subay sa ilang monitoring,anaa sa lima ka firecracker related incidents ang natala sa nagkadaiyang tambalanan ning dakbayan.
Miingon si Dilia nga nasubo gihapon sila kay sa miaging mga katuigan,nagbaton man sa zero injuries ang syudad pag-abot sa pagsaulog sa pasko ug bag-ong tuig.
Hisayrang sulod ning tuiga,ang Bukidnon ang nagbaton sa pinakadaghan diin 13 ang ilang kaso,10 sa Misamis Occidental,upat sa Misamis Oriental,tulo sa Lanao del Norte,upat sa Cagayan de Oro City,duha sa Iligan City samtang zero record ang Camiguin Province.
