CAGAYAN DE ORO CITY-Magtagbo’g balik karong adlawa ang 37 ka pamilya sa mga lumad,kasundaluhan ug mga opisyal sa gobierno diha sa kapitolyo probinsyal.
Kini aron sulbaron ang suliran ilabina ang pagpangbakwit sa 180 ka residente tungod sa engkuwentro sa militar ug rebeldeng NPA sa Sitio Mincamansi,Brgy Banglay,Lagonglong,Misamis Oriental sa miaging adlaw.
Gibutyag ni PDRRMO Exec Dir Fernando Dy Jr nga maoy mando ni Gov Bambi Emano nga maatiman ang mga bakwit nga makatulong higayon nang nagpasilong sa kapitolyo tungod sa engkuwentro sa militar ug rebelde sa ilang dapit.
Samtang nabawi sa militar ang pipila ka armas ug bala sa M-14 rifle nga gilubong sa yuta gikan sa mga rebeldeng New People’s Army o NPA sa Sitio Mincamansi.
Kini ang hinungdan nga gisulod pagbalik sa 58th IB,Philippine Army ang maong lungsod diin
nagresulta sa engkuwentro.
Kini ang pag-depensa ni 58th IB,Philippine Army spokesperson 1Lt Janelle Diaz kon nganong miabot sila sa lugar diin nagresulta pagbakwit sa 180 ka residente padulong sa kapitolyo probinsyal.
