MISAKA sa 37 ang gidaghanon sa mga namatay human sa pagpamomba sa Russia sa relief center sa rehiyon sa Zaporizhzhia, habagatan-sidlakang Ukraine.
Subay sa labing lab-as nga report, kapin dosena ang , samtang dose-dosenang katawhan ang padayon pang gikonsiderar nga nawala.
Ang maong pag-atake nahitabo sa baryo sa Komyshuvakha diin usa ka kanhi tunghaan nga gigamit isip silonganan o human shelter ug sentro sa humanitarian aid ang nahimong target sa mga bomba, sumala sa mga opisyal sa Ukraine.
Hangtud karon, gipangitapa pa sa mga rescuers ang posibleng naluwas nga mga biktima ilawom sa nagun-ob nga pasilidad.
Una nang gireport sa mga otoridad nga adunay 59 ka tawo ang wala pa gihapon makit-i.
Namahayag si Ukraines President Volodymyr Zelensky nga unang gibombahan sa pwersa sa Russia ang pasilidad sa dihang nangabot ang mga sibilyan aron modawat sa ayuda ug gisundan pa kini sa dugang nga mga pag-atake.
