Gihupay ni Department of Migrant Workers (DMW) Secretary Atty Hans Leo Cacdac ang kabalaka sa pamilya sa mga filipino crew nga sakay sa MV Hondius nga unang gika-report nga nakontaminar sa Hanta Virus, ug kasamtangang, midunggo ang ilang barko sa Canary Island, nga sakop sa teritoryo sa Espanya.
Sa bag-uhay pa lang nga interview, gikompirmar ni Cacdac nga luwas sa bayrus ang tanan 38 ka filipino crew nga sakay sa cruise ship, apan, gikinahanglan nila nga musubay sa medical protocols adeser sila makabalik sa Pilipinas.
Hisayran nga ang hantavirus mahimong makuha sa usa ka tawo pinaagi sa human-to-human exposure ug padayon pang gitun-an sa World Health Organization (WHO) kini nga klase sa bayrus ayha makamugna sa panambal.
Tolo na ka tawo ang patay ug silang tanan kompirmadong naigo sa bayrus gikan sa maong cruise ship.
