CAGAYAN DE ORO CITY, Philippines – Misaka pa sa 384 ang patay human gikusu-kuso sa bagyong Yagi ang tibook Myanmar.
Subay sa Information Team – State Administration Council nga wala pa hunungan ang search and retrieval mission ilabe na ang aduna pay 89 ka tawo ang reported-missing.
Ang mass casualties nagsumikad sa Nay Pyi Taw Union Territory – 164 ka tawo ang patay; ug Mandalay Region – 134. Samtang ang gilusad nga upat ka adlaw nga search mission sa Shan State, Kayin, Bago Region ug Ayeyarwady Region, pulos mitala sa 86 ka tawo ang napalgang patay gumikan sa pagkalubong sa lapok, pagkalumos ug dunay nakuryentihan.
Hinoon, mibalik na ang kutay sa ilang sugang dagitab ug normal na ang dagan sa ilang general public services sa sama sa operasyon sa tugpahanan, operasyon sa mga gambalay sa gobyerno, transportasyon, lakip na ang pagbukas sa mga commercial nga mga patigayon.
