CAGAYAN DE ORO CITY – Giangkon sa DSWD-10 nga anaa pa lamang sa 39-mil ka pamilya ang natunulan sa food packs nga gikan sa Gingoog City ug dinhi sa syudad nga pulos gipaubos sa lockdown epekto sa COVID-19 delta variant.
Kini isip pag-abag sa duha ka mga syudad diin apektado ang daghang pamilya gumikan sa ECQ.
Gibutyag ni DSWD 10 spokesperson Joseph Aguja nga sa maong ihap,29-mil niini ang gikan sa Gingoog samtang 10-mil pa lamang ang dinhi sa dakbayan.
Gipasabot ni Aguja nga mas una nakapaabot sa listahan ang Gingoog hinungdan sila ang mas nahataga’g sayo sa ayuda gikan sa ilang ahensiya.
Samtang gikalipay ni Kag Lordan Suan nga may pipila na ka miembro sa mayoriya sa konseho ang lakip sa nanawagan nga mohatag na sa ayuda ang city govt katwahan sa syudad.
Gibutyag ni Suan nga naglaum siya nga malukmay na gayud si City Oscar Moreno ug mopagawas nag kaugalingon pondo ang dakbayan alang sa hinabang.
Dugang ni Suan nga dili na igsapayan kon food packs lamang ang i-abag dakbayan aron makasugakod ang katawhan nga subli gipaubos sa enhanced community quarantine tungod sa nagka-daghan nga kaso sa COVID-19 delta variant.
