CAGAYAN DE ORO CITY – Naka-pokus karon ang kampanya sa Police Regional Office 10 sa gitawag nga ‘3Gs and F’ campaign sa nagkaduol nga kampanya sa midterm elections.
Miingon si PRO 10 spokesperson Major Joann Navarro nga nag-unang tahas sa ilang lower units ang pagsumpo sa nagkatag nga loose firearms,pagbutho sa mga vote buying,paggamit sa pipila ka politiko sa private armed groups (PAGS) ug pagpakatag sa fake news sa social media.
Siya miingon nga dakong hagit kanila ang pagtubag sa maong mga isyu taliwala nga malinawon ang Northern Mindanao matag-lusad sa piliay.
Hinoon,walay aktibo nga PAGs sa rehiyon apan wala nila wad-a ang posibilidad nga adunay mosulod kay gikuha sa pipila ka kandidato particular sa pipila ka lugar nga ubos sa areas of concern.
Dumduman nga unang gisulti sa Comelec-Manila nga anaa sa 30 ka areas of concern ang Northern Mindanao ning tuiga.
