Gideklarar sa House Committee on Justice ang ikatulo ug ika-upat nga impeachment complaints batok kang Vice President Sara Duterte, “sufficient in grounds” ug “substance.”
Ang duha ka hearing sa maong mga kaso gitakda magsugod sa Marso 25, 2026. Subay sa report, ang 3rd ug 4th complaints nagbaton sa igong basihanan ug unod sa mga reklamo, busa mu-abante na kini sa hearing proper aron tukion ang ebidensya ug testimonya.
Mahinumduman nga gisalikway ang 1st complaint tungod sa paglapas sa constitutional one-year ban sa impeachment proceedings.
Ang 2nd complaint, gi-withdraw sa grupo nga Tindig Pilipinas ug ilang gisuportahan ang ikatulong reklamo.
Ang mga complainants nga nagfile sa 3rd ug 4th complaints mipadayag nga dili na sila motubag sa consolidated verified answer ni VP Duterte ug ila kining gikonsiderar sa kategoryan nga “non-answer.”
Ang sunod nga lakang sa komite mao ang pagpangita sa ebidensya ug saksi aron hukman kung aduna bay probable cause nga mosangpot sa impeachment trial.
Unsa ba ang kalahian sa technical nga pahayag sama sa Sufficient in ground, Sufficient in form ug Sufficient in substance?
Kini nga mga terminolohiya maoy gigamit karon sa kasamtangang mga impeachment complaints ni Vice President Sara Durterte.
Ang Sufficient in ground nagpasabot nga ang usa ka kaso o reklamo adunay klaro ug lig-on nga basihanan o rason.
Kini nagpasabot nga ang reklamo nagbaton sa lig-on nga hinungdan.
Ang Sufficient in form nagpasabot nga ang dokumento o reklamo nasulat ug naipresentar sa hustong porma o pamaagi nga gisunod sa balaod. Buot sabton, kini adunay sakto ang porma ug pamaagi.
Samtang ang Sufficient in substance nagpasabot nga ang sulod mismo sa reklamo o argumento adunay tinuod ug importante nga punto nga makatarunganon.
Ideklarar ang usa ka impeachment complaint nga adunay unod kung makatarunganon ang argumento.
