Nag-atubang sa ikatulong impeachment complaint si Vice Pres Sara Duterte sa kamarabaha.
Kini human iduso sa pipila ka sakop sa relihiyosong sector ug mga abogado ang maong reklamo batok sa bise-presidentee sa nasud.
Mismo sila Camarines Sur Rep. Gabriel Bordado ug House Deputy Minority Leader ug AAMBIS-OWA party-list Rep. Lex Anthony Colada ang mi-indorso sa maong reklamo batok kang Duterte sa kamarabaha kaganihang buntag.
Gidason ang ikatulong reklamo duha ka adlaw sa dili pa ang Christmas break sa mga kongresista sa nasud.
Dumduman nga nag-atubang na’g duha ka susamang reklamo si VP Sara nga giduso sa civil society organizations nga gi-indorso ni Akbayan party-list Rep. Percival Cendaña ug Bagyong Alyansang Makabayan sa magkalahi nga adlaw sa unang semana ning bulana.
Gibasehan sa mga nagduso’g impeachment complaints batok Duterte ang gihimong imbestigasyon sa House Committee on Good Government and Public Accountability batok sa Office of the Vice President ug Department of Education tungod sa panaghap nga giwaldas paggasto ang confidential funds niini.
Apan una nang namahayag si Inday Sara nga wala siya’y malauman nga patas nga tratamento sa mga magbabalaod nga ubos sa mando ni House Speaker Martin Romualdez.
