CAGAYAN DE ORO CITY – Gisalmutan sa daghang katawhan ang gipahigayon ang 3rd Leg sa Takbo para sa West Philippine Sea sa syudad sugod kaganihang kadlawon.
Kini human gidala sa natl govt ang maong kalihukan aron ipalig-on pa ang baruganan sa Pilipinas sa ensaktong impormasyon kabahin sa West Philippine Sea nga giangkon sa China.
Miingon si PCG Spokesperson on West Philippine Sea Commodore Jay Tristan Tarriela nga paagi kini aron mapukaw ang pagsilbing nasyonalismo sa katawhan batok sa paghinawod sa Tsina.
Siya miingon nga gusto nila nga malabwan sa taga-Northern Mindanao ang mga syudad sa Metro Manila ug Cebu nga una nang mihimo sa fun run sa miaging mga bulan.
Gikan sa Cagayan de Oro, naka-schedule na usab ang laing hugna sa fun run didto sa Dapitan City ug syudad sa Baguio.
Samtang gisuportahan ni Cagayan de Oro 2nd District Cong. Rufus Rodriguez ang kalihukan.
Kini human imbitara ni Rodriguez ang local officials ug national govt agencies nga magpadala sa ilang delegasyon alang sa aktibidad karong adlawa.
Miingon ang kongresista nga sa matag-partisipante sa fun run,segurado nga nasabtan nila kon nganong miapil sila niini.
Hisayrang kabahin sa kapilian sa professional ug non-professional runners ang 2-kilometers;5-kilometers ingon man 10km ug 16 kilometer category sa magkalahi nga pagsugod sa oras nga manukad sa South Concourse,Limketkai padulong sa Brgy Tablon ug vice versa.
