PARIS – Mitala sa laing kasaysayan ang Pilipinas sa Olympics nga nagbaton sa ikaduhang Pinay boxer nga misakmit sa medalya.
Kini bisan kon wala na makaabante sa final medal round si Pinay boxer Aira Villegas kay gipildi ni Turkish opponent Buse Naz Cakiroglu sa ilang away sa Paris Olympics sa Pransya kaganihang kadlawon.
Kini tungod kay nasakmit ni Aira ang bronze medal ubos sa women’s 50 kilograms division samtang fighting for gold na usab si Buse Naz.
Aminado si Villegas nga dominado sa Turkish boxer ang away apan gisulayan gihapon niya nga maka-apas sa scorecards.
Gipasalig sa Pinay boxer nga mas mag-ensayo pa kini ug magpakalig-on sa sunod nga international boxing event.
Pinakaunang babayeng Olympic silver medalist sa Pilipinas si Neshty Petecio nga may away gihapon sa semi-final round batok Polish boxer ugmang adlawa.
Hisayrang tulo na ang medalya sa Pilipinas nga gilakipan ni double gold medalist Carlos Yulo sa gymnastics competition.
