CAGAYAN DE ORO CITY – Pasadong grado sa 7 hangtod 8 ang gihatag ni kanhi City Mayor Oscar Moreno sa perfomance ni Pres Bongbong Marcos nga iyang giyagyag pinaagi sa State of the Nation Address sa kauluhan kagahapong adlawa.
Kini human halos nasampit sa presidente ang mga isyu nga gidahom ni Moreno gikan sa agrikultura, ekonomiya, edukasyon, panglawas, imprastraktura, seguridad, bangi sa isyu sa teritoryo tali China.
Miingon si Moreno nga dili usab sayon ang nasundan nga mga problema ni Marcos nga iyang gipangitaa’g sulbad ilabina nga apil ang Pilipinas nga naigo sa pandemya sa COVID-19.
Samtang gikakurat sa grupong Citizens Watch for Good Governance o CWGG 10 ang gihikyad nga unod sa SONA ni Pres Bongbong Marcos.
Kini human nagbaton diay sa ubay-ubay’g acommplishments ang administrasyon nga wala pugsa isundayag sa Malakanyang kay nagpasulabi ang pagsaway ug batikos gikan sa mainstream media.
Miingon si CWGG 10 convenor Atty Antonio Soriano nga duyog kini sa giluwatang baruganan ni Marcos kabahin sa isyu sa West Philippine Sea ug ang hingpit nang pagbungkag sa tanang POGO operations epektibo ning tuiga.
Pasado nga grado usab ang gihatag ni Soriano sa presidente.
