CAGAYAN DE ORO CITY – Nagsamot ang isyu sa kurapsyon sa panaho ni Pres Bongbong Marcos itandi sa iyang nasundan nga si kanhi Pres Rodrigo Duterte.
Kini ang nakita ni CWGG 10 convenor Atty Antonio Soriano ilabina sa paspas nga paglugwa sa pondo aron ipanghatag isip ayuda sa katawhan sa nasud.
Miingon si Soriano nga dunay strong will si Duterte itandi kang Marcos.
Apan miangay usab kini sa baruganan ni Marcos pag-abot sa isyu sa West Philippine Sea.
Ghimo ni Soriano ang maong komento alayon sa ikatulong State of the Nation Address ni Marcos unya sa hapon.
Sa pikas bahin,way nakita nga klaro nga kaugmaran nga nahatag si Marcos bisan kon magtulo ka tuig na kining anaa sa katungdanan.
Apan miingon usad si kanhi IBP-MisOr chapter president Atty Ed Cuaresma nga hinay-hinay napabalik sa administrasyon ang rule of law nga idlas sa panahon ni Duterte.
Siya miingon nga wala usab kini miangay sa kanunay paghatag ayuda gamit ang salapi sa katawhan palibot sa nasud.
Samtang gusto madunggan sa law professor nga si kanhi City Mayor Oscar Moreno ang daghang isyu nga tukion ni Marcos sa iyang SONA unyang hapon.
Partikular nga gitumbok ni Moreno ang isyu sa agrikultura,edukasyon,ekonomiya ug mismo sa panglawas.
Miingon si Moreno nga mismo usab kini ang mohimo’g paglista sa mga punto o isyu nga hisgutan ni Marcos sa iyang SONA.
Sa laing bahin,nagtoo usab si Misamis Oriental 2nd District Congresman Bambi Emano nga apil ang isyu sa agrikultura nga tukion ni Marcos sa iyang SONA.
Miiingon ang kongresista nga gawas sa West Philippine Sea issue,hayan tukion sa presidente ang internal security ug kahimtang sa Marawi City nga kanhi giatake sa mga teroristang Maute-ISIS. sa tuig 2017.
Una nang mihatag sa pasado nga grado si Emano sa performance ni Marcos sa miaging tuig.
