CAGAYAN DE ORO CITY-Gihatagan sa tabang-medical ang upat ka construction workers nga naigo sa mga debri sa nahugno nga gambalay sa Purok 5,Brgy Sta Ana,Tagoloan,Misamis Oriental.
Kini human dunay gitaod nga materyales ang construction workers sa kamulo gitukod nga gambalay nga iya sa San Miguel Corporation sa maong lungsod.
Miingon si PDRRMO head Fernando Dy Jr nga kabahin sa mga samaron sila si Ronnie Jimenez;Giovanni Esmida;Alexander Maata ug Fernando Pulison nga pulos taga-Mati,Davao Oriental.
Natumba ang mga haligi sa maong gambalay diin nasapon ang mga biktima hinungdan nadala sa ospital sa Tagoloan ning lalawigan.Gisuta pa sa mga imbestigador ang rason sa pagkalumpag sa maong gambalay.
