CAGAYAN DE ORO CITY-Naangol sa pagpamusil ang upat ka lalaki nga gilakipan sa tulo ka magsoon dihang nag-rambol sulod sa videokehan sa Brgy Sinaloc,El Salvador City,Misamis Oriental kagabii.
Giila ang mga samaron nga sila Junel,Robert ug Melvin Baclayon ug lain pang Marlon Mansagutan nga pulos nagpuyo sa Brgy Awang,Opol,Misamis Oriental.
Gibutyag sa amahan sa magsoon nga si Romeo Baclayon,laraw mang-disco sa mga biktima kuyog ang laing walo ka barkada sa dihang napaingon sila sa videokehan diin nakakita’g rambol sa grupo sa mga kalalakin-an.
Nakahimo pa sa pagkanta ang mga biktima sa dihang kalit adunay nanumbag ug gilayon nila nga gibalusan hinungdan nga nahitabo ang pagpamusil.
Hinoon,pulos stable na ang kahimtang sa mga biktima nga anaa sa Northern Mindanao Medical Center.
Una niini,namiyesta ang mga biktima sa Brgy Sampatulog,Alubijid apan kay gusto mang-disco hinungdan nakaabot sa El Salvador City diin nakakita’g karambola.
