CAGAYAN DE ORO CITY – Mitahan sa kapolisan ang upat ka sakop sa Potential Private Armed Group o PPAG nga naglihok sa lungsod sa Butig,Lanao del Sur.
Gihimo sa Pansar Group nga gilangkuban ni Alinader Maricor;Moctar Masorong; Maradi Pansar ug Salaoden Pansar ang pagtahan pipila ka semana gikan sa mando ni President Ferdinand ‘Bongbong’ Marcos Jr sa kapolisan ug militar nga bungkagon ang tanang private armed groups nga gigamit sa pipila ka politiko paghimo sa kremin.
Gibutyag ni Police Regional Office Bangsamoro Autonomous Region Director Brig Gen John Guyguyon nga bitbit sa pagtahan sa maong grupo mismo sa Butig Police Station ang caliber 50 Barret sniper rifle with scope ug mga bala;colt caliber 5.56 rifle; 45 caliber pistol ug caliber 38 revolver ingon man mga bala.
Subay sa pag-angkon sa grupo nga naporma sila tungod sa rido o away-pamilya sa Lanao del Sur.
Dugtong niini,gipasalig sa heneral nga gilayong ipaubos sa proseso ang pag-surender sa Pansar group aron mahatagan sa programang panginabuhian aron dili na mobalik sa pag-alsa’g armas sa Lanao del Sur.
Dumduman nga nalugwa kini nga kamanduan ni Marcos kay napatay ang gobernador sa Negros Oriental ingon man bise-mayor sa Aparri,Cagayan Valley Province samtang samaron usab sa armadong pag-atake si Lanao del Sur Gov. Mamintal ‘Bombit’ Adiong Jr ug mayor gikan sa Maguindanao sa Pebrero-Marso ning tuiga.
