
Upat ka bag-ong hybrid Rubber-Tired Gantry (RTG) cranes ang miabot sa Mindanao Container Terminal (MCT) aron mapaspasan ang pag-unload ug pag-load sa mga kargamento ug mapaayo ang serbisyo sa pantalan.
Gibutyag kini ni PHIVIDEC-IA Administrator ug CEO Atty. Cid Bernedo. Si Bernedo miingon nga mas episyente ang bag-ong mga RTG cranes tungod kay hybrid na kini, itandi sa mga daang RTG cranes nga gipadagan pinaagi sa fuel.
Sa pagkakaron, nag-average na ang MCT og halos 350,000 ka Twenty-foot Equivalent Units (TEUs) o labaw pa matag tuig sa mga container van, ug gilauman nga mosaka pa kini tungod sa bag-ong ekipo.
Kabahin sa pagpalapad sa MCT, magdala usab sila sa duha ka quay side cranes—ang mas dagko ug dalag nga mga crane—nga gilaumang makadoble sa cargo volume sa terminal sa higayon nga ma-deploy na kini.
Matod ni Bernedo, ang maong mga kalamboan kabahin sa padayon nga paningkamot sa MCT sa pagpalambo sa mga pasilidad ug pagpangandam sa nagkadako nga panginahanglan sa mga kargamento ug barko sa Mindanao








