CAGAYAN DE ORO CITY – Nahurot ka damyos ang tulo ka balay ug laing usa ang parsyal lang sa pag-ulbo sa sunog sa Zone 6,Brgy Bulua ning syudad kaganihang udto.
Gitumbok ni Bureau of Fire Protection Sub Station commander Fire Insp Benie Jaudian nga nagsugod ang kalayo sa puy-anan ni Ario Bonjic ug paspas mikaylap sa katupad nga mga silingan.
Wala pa’y kompirmasyon ang BFP kabahin sa estorya nga dunay bata nga nagdula-dula’g posporo nga hinungdan sa sunog.
Hinoon,walay namatay o naangol sa hitabo.Mitala sa 165-mil pesos ang pasiunang istraktural nga damyos sa maong sunog.
Dugtong niini,gilayong midalikyat ang mga taga- City Social Welfare and Development ubos sa mando ni City Mayor Rolando ‘Klarex’ Uy aron maatiman ang mga apektado sa sunog.
