CAGAYAN DE ORO CITY – Illegal electric flying connection ug short circuit ang posibleng rason pagkasunog sa upat ka balay sa Purok 1,Brgy Inobulan,Salay,Misamis Oriental.
Kini human unang nagsumikad kalayo sa balay ni Maria Lourdes Domas ug gilayong mikatag sa laing tulo nga gipanag-iyahan nila ni Danica Balili, Vincent Farenas ug Orlando Marianas nga gama lamang sa light materials.
Miingon si BFP Salay Station commander Fire/ Insp Willie Tan nga hinoon walay bisan usa ka tawo nga naangol sa hitabo apan gilawman pa nila ang imbestigasyon niini.
Mitala’g 36-mil pesos ang structural damage ang maong sunog.
