CAGAYAN DE ORO CITY – Gitangtang na sa Philippine Military Academy o PMA ang upat ka kadete nga primary suspects pagkulata-patay kang Cadet 4th Class Darwin Dormitorio sa Baguio City.
Kini human nakit-an sa criminal ug administrative investigations nga sad-an sila si Cadet 3rd Class Shalimar Imperial,Felix Lumbag,Cadet 1st Class Axl Ray Sanupao ug Cadet 2nd Class Nickoel Termil sa kamatayon ni Dormitorio.
Gibutyag ni AFP spokesperson Brig Gen Edgard Arevalo nga naduso na usab ang kasong kriminal batok sa maong mga kadete sa piskalya sa Baguio City kagahapong adlawa.
Gawas niini,gitangtang usab sa katungdanan si PMA Station Hospital commander Dr Flor Apostol kinsa mihatag sa sayop nga medical findings sa kamatayon ni Dormitorio sa miaging semana.
