CAGAYAN DE ORO CITY – Mitala sa sobra 15 milyones nga damyos sa agrikultura ang mga pagbaha nga epekto sa hanging habagat sa pipila ka bahin sa Bukidnon.
Kini subay sa pasiunang data gikan sa Office of the Civil Defense 10 nga kasamtangang miisa sa blue alert sa Northern Mindanao epekto sa maong sistema sa panahon.
Miingon si OCD 10 asst regional director Gilbert Conde nga gawas sa mga balay nga nangaguba,kompirmado usab nga dunay usa ka residente ang namatay nga si Evelyn Candido,48 anyos nga taga-Maramag,Bukidnon.
Samtang missing pa iyang anak nga si Roshelle Candido ug laing duha samaron sa Kalilangan,Bukidnon sukad pa sa miaging semana.
