Gitun-an sa lokal nga kagamhanan pinaagi ni Mayor Rolando Klarex Uy kung ang 4-day work week mahimong ipatuman sa tanang opisina sa lungsod aron makatipid sa kuryente ug fuel.
Sumala sa mayor, kauban ang legal officer nga si Attorney Roy Ragas ug ang CPU administrator sa HR, gi-assess nila ang posibilidad sa pag-adaptar sa maong schedule samtang gitan-aw ang epekto sa taas nga presyo sa krudo ug kuryente.
Gipahimangnoan ni Mayor Uy ang tanang opisina nga paningkamutan nga makunhuran ang paggamit sa aircon ug kuryente, labi na kon bugnaw na ang palibot, aron matigom ang resources sa panahon sa tensiyon sa Middle East.
Giingon usab niya nga ang pag-adjust sa schedule usa ka paagi aron mapangandaman ang posibleng epekto sa pagtaas sa presyo sa utilities ug batakang serbisyo.
Ang mayor nagpahimangno nga ang maong lakang makatabang sa tanang empleyado ug sa tibuok lungsod, aron dili mabug-atan sa kalit nga pagtaas sa gasto ug ma-maintain ang batakang serbisyo sa lungsod. Wala pa’y eksaktong petsa kung kanus-a ipatuman ang 4-day work week ug padayon pa nga ginatan-aw ang feasibility niini sa matag departamento.
Kining programa usa sa mga lakang sa lokal nga kagamhanan sa Cagayan de Oro aron mapauswag ang efficiency ug makatipid sa kuryente ug fuel sa tanang opisina samtang nagpadayon ang global nga tensiyon. (By James Oliver)
