CAGAYAN DE ORO CITY-Kasuhan sa pagbaligya’g gidiling droga ang upat ka suspected drug personalities nga nadakpan sa gihimong operasyon sa mga pulis sa Purok 5, Sitio Mapalad, Brgy Dalipuga,Iligan City.
Moabot sa kapin P700-mil nga kantidad sa shabu ang nakuha sa posisyon sa mga suspek nga sila si Khalid Ligaray alyas June Apuya Ligaray, 23-anyos, security guard, residente sa Purok 3, Brgy Alona, Tubod Lanao del Norte.
Nasikop usab ang suspek nga si Jeffrey Catipay Fajardo, 22,residente sa Purok 4, Brgy Sto. Tomas Kapatagan, Lanao del Norte; Carlito Beroy, 45, residente sa Purok 4, Brgy Kiwalan, Iligan City; ug James Benedict Beroy, 20-anyos, residente sa Purok Bonifacio, Lugait Misamis Oriental.
Nakuha usab sa posisyon sa mga suspek ang usa ka cellphone ug tulo ka motorsiklo nga giggamit sa illegal nga aktibidadis sa maong lugar sa miaging adlaw.
